दिनेश भण्डारी /काठमाडौं
काभ्रे– जिल्ला सहकारी संघ लिमिटेड डिस्कोफले काभ्रेका पत्रकार अरविन्द्र गौतमलाई पत्रकारिता पुरस्कार प्रदान गरेको छ । काभ्रेमा रहेर पत्रकारिता गरिहेका गौतम कोशिपारी अनलाइन न्युजका संचालक समेत हुन, साथै उनि प्रेस चौतारी नेपाल काभ्रेका सह सचिव एवं काभ्रे प्रेस डट कमका प्रधान सम्पादक समेत रहेका छन् ।
विगत लामो समय देखी पत्रकारीता क्षेत्रमा सेवा गदै, सहकारी क्षेत्रको बिकास प्रवद्र्वन एंव बिस्तार सहित जिल्लाको सहकारी अभियानको क्रियाकलापहरुको समाचार सम्पे्रषण, अन्र्तवार्ता, सहकारी क्षेत्रले शेयर सदस्यहरु माझ पुर्याएको योगदानका बिषयमा प्रत्यक्ष रुपमा आम सहकारीकर्मीहरुका बिच पुर्याएको योगदनको कदर गदै नगद सहित सम्मान गरिएको थियो ।
पत्रकारिताका माध्यमबाट समाजलाई शुसुचित बनाउने र समाजका विभिन्न विसंगती एवं कुरित तथा सामाजिक घटनाहरुका विरुद्धमा सशक्त कलम चलाउदै सभ्य समाज निर्माण गर्नमा खेलेको भुमिकाको मुल्याँकन गर्दै डिस्कोफको ४२ औँ वार्षिक साधारणसभाको अवसरमा पत्रकार गौतमलाई उक्त सम्मान एवं पुरस्कार प्रदान गरेको बताएको छ ।
नव क्षितिज साप्ताहिकको सह सम्पादक समेतर रहेर काम गरिरहेका गौतम पावर न्युजको काभ्रे सम्बाददाता समेत हुन । मंगलबार बनेपामा आयोजना गरिएको उक्त भव्य समारोहमा बागमती प्रदेशका संस्कृती, पर्यटन तथा सहकारी मन्त्री पुकार महर्जनले पत्रकार गौतमलाई सम्मान सहित नगद पाँच हजार सहित जिल्ला सहकारी संघ काभ्रेले दोसल्ला ओडाएर सम्मानपत्र प्रदान गरेको हो ।
लामो समय देखी काभ्रे जिल्लामा रहेर पत्रकारिता गरिरहेका गौतम यस अघि पनि विभिन्न सरकारी तथा गैरसरकारी संघ संस्थाहरुबाट सम्मानित भईसकेका छन् । सम्मान प्राप्त गर्दै पत्रकार गौतमले यस सम्मानले आफुलाई अझ थप उर्जावान बनाएको र आगामि दिनहरुमा अझै थप शसक्त ढङ्गले स्वच्छ पत्रकारिता गर्दै जाने समेत बताएका छन् ।
