काठमाण्डौं । पूर्वेली लोक लयमा तयार पारिएको गीत ’दिलको दरवार ’ क्लासिक म्युजिक को अफिसियल युट्युब च्यानलबाट सार्वजनिक भएको छ ।सार्वजनिक गीतमा परेस राई र कुशुम गुरुङ्गको स्वर रहेको छ । गीतकार मिश्रा गुरुङ को रचना रहेकोछ भने सो गीतमा संगीतकार शशी गुरुङ्गले संगीत भरेका छन् । गीतको एरेन्जमा राजु कार्कीले सहयोग गरेका छन् । पुर्वेली गुरुङ राई हरुको लोकजीवन र रहनसहनलाई मायाप्रेमसँग फ्युजन गरेर उत्पादन गरिएको यो भिडियोलाई सनम तामाङ्गको छायाँकन , अर्जुन खड्काको सम्पादन तथा अनिल थुलुङ्ग राईको कोरियोग्राफी तथा निर्देशन भिडियोमा छ । गीतको भिडियोमा मिन गुरुङ्ग , अनुशा साङ्गपाङ्ग राई , आशिस लिम्वु र सलिना भुजेलको अभिनय रहेको छ ।