काभ्रेपलान्चोक – भुम्लु गाउँपालिका–१० दोलालघाटमा ५ वर्षीया बालिका खेल्ने क्रममा पोखरीमा डुबेकी छन् । धुलिखेल नगरपालिका–६ घर भई हाल भुम्लु गाउँपालिका– १० दोलालघाट स्थित व्यापार गरि बस्ने बुद्धराम खड्गीको छोरी अंन्दाजी बर्ष ५ की रोजिना खड्गी खेल्ने क्रममा ईन्द्रावती खोला नजिकै रहेको पानी जमेको पोखरीमा ढुबेर मृत्यु भएको छ ।

प्रहरी चौकी दोलालघाट खटिएको टोलीले उनलाई उद्धार गरेको थियो । अचेत अवस्थामा भेटिएकी उनलाई उद्धार गरेर धुलिखेल अस्पताल ल्याइएपछि अस्पतालले मृत्यु घोषणा गरेको छ ।