राष्ट्रिय सहकारी महासंघको एक टोलीले सोमबार सहकारी विभागका रजिष्ट्रार पिताम्बर घिमिरेलाई भेटेर सहकारीको वर्तमान समसामायिक विषयमा छलफल गरेको छ ।
सहकारी क्षेत्रमा देखिएका चुनौती समाधान र सहकारीको प्रवर्द्धनका विषयमा महासंघ र विभागविच सहकार्य गर्ने विषयमा समेत छलफल भएको थियो । महासंघका अध्यक्ष ओमदेवी मल्लको नेतृत्वमा रहेको महासंघको टोलीमा वरिष्ठ उपाध्यक्ष रमेश पोखरेल, उपाध्यक्षहरु डिबी बस्नेत, इन्दिरा पन्त, संचालकहरु टेकप्रसाद चौलागाई, परितोष पौड्याल, सुमन नेपाल र महाप्रबन्धक चित्राकुमारी थाम्सुहाङ सुब्बा हुनुहुन्थ्यो । सो अवसरमा रजिष्ट्रार घिमिरेले महासंघको २०८० पुस २७ र २८ गते सम्पन्न ३१ औं बार्षिक साधारण सभाबाट निर्वाचित अध्यक्ष मल्लसहितको टोलीलाई बधाई ज्ञापन समेत गर्नुभएको थियो ।
