काभ्रे । कथा वाचिका देवी प्रतिभा आज पनौती आउँदै छिन् । काभ्रे सेवा समाजले पनौती त्रिवेणीधाममा अभिनन्दन कार्यक्रम राखेको छ । दिउसो ३ बजे अभिनन्दन कार्यक्रम आयोजना गरिएको काभ्रे सेवा समाजले जनाएको छ ।यस्तै देवि प्रतिभालाई गृह नगर मण्डनदेउपुरमा समेत भव्य स्वागत गरिने भएको छ । भोली आइतबार मण्डनदेउपुर नगरपालिका-५ ब्रम्हायणी मन्दिर परिसरमा दिउसो १ बजे र नगर सभा हलमा ३ बजे सम्मान कार्यक्रम राखिएको छ ।
काभ्रेको मण्डनदेउपुरमा जन्मनुभएकी प्रतिभा पराजुली अर्थात देवी प्रतिभा विदेशमा समेत ख्यातीप्राप्त कथा वाचक हुन् । भारतका हजारौं प्रवचकहरु मध्ये उनी उत्कृष्ट तीन बाचिकाहरुमा पर्छिन् ।
साधारण शिक्षा उनले बनेपाको पञ्चकुमारी स्कुलबाट लिएकी थिइन् भने गाउँकै नवप्रतिभा स्कुलमा केहि समय अध्ययन गरिन् । तर पछिल्लो एकदशकदेखि उनी भारतको वृन्दावनमा अध्ययनकै शिलशिलामा पुगिन् र उतैबाट यस क्षेत्रमा प्रवेश गरिन् ।
हालसम्म उनले सयौं ठाउँमा प्रवचन दिइसकेकी छिन् । सुरक्षाकर्मी, भजनमण्डली लगायत उनको ५० जनाको टिम छ । उनी अहिले २३ वर्षकी भइन् ।
