मोडल कलाकार दीपेन्द्र सोनामको आफ्नै शब्द संगीत तथा आवाजमा पर्खाइ गीतको भिडियो सार्वजनीक भएको छ । गीतमा शब्द संगीत स्वर मोडल दीपेन्द्र सोनामकै रहेको छ भने गीतलाई आशिषलामाले संगीत संयोजन गरेका छन् ।
गीतलाई मिक्सिङ मास्टरिङ नरेश बि. बि. सी ले गरेका हुन् । गीतलाई ए प्लस स्टुडियोमा रेकर्ड गरिएको हो । आर्थिक समस्याको कारणले, श्रीमतीले आफ्नो श्रीमान् र बच्चालाई छोडेर बिदेशिनुको पिडा र बिदेशिएकि श्रीमती बर्षौं हुँदा पनि नफर्किंदा श्रीमान् र बच्चालाई कति सम्मको पिडा हुँदो रहेछ भन्ने गीतको भिडियोमा देखाउन खोजिएको छ । उक्त भिडियोलाई पाना आर्टसले बजारमा ल्याएको हो ।
भिडियोमा उम्दा कलाकार जीवन भट्टराईको निर्देशन, लोकप्रिय कलाकार लक्ष्मी बर्देवाको कन्सेप्ट स्टोरी, उत्सव दाहाल टीमको छायाँकन , बिष्णु खड्काको सम्पादन रहेको छ। भिडियोमा दीपेन्द्र सोनाम, रिस्ता अधिकारी, नरेश लामिछाने र बालकलाकार आरुभ सोनामको मार्मिक अभिनय रहेको छ ।
गीतको भिडियोलाई Bhavsagar Entertainment LLC को यू ट्यूब च्यानलमा हेर्न सकिन्छ । कलाकार दीपेन्द्र सोनामलाई हार्दिक बधाई सहित गीत भिडियोले सफलता प्राप्त गरोस हाम्रो तर्फबाट शुभकामना, आउनुहोस हेरौं उक्त गीतको म्यूजिक भिडियो ।
