धुलिखेल -८ खावा ठुलिटार कल्छे सडकको बडालगाउँ खण्ड कालोपत्रे निर्माण कार्यको धुलिखेल नगरपालिका प्रमुख अशोक ब्यान्जुले बुधबार शिलान्यास गर्नुभयो ।
नगर उप प्रमुख निराजन जङ्गम, वडाध्यक्ष बिनोद गौतम र ११ का वडाध्यक्ष नारायण बडाल अतिथी हुनुहुन्थ्यो । १ कि.मि १ सय ५५ मिटर सडक १ करोड ६६ लाख २१ हजार ६० लागतमा कालोपत्रे हुनेछ ।
छायाश्र्वरी / आर.पि. जे.भी ले ठेक्का सम्झौता गरेको छ । निर्माण व्यवसायि रविन गौतमले आगामी जेष्ठ मसान्तसम्म निर्माण सप्पन्न हुने बताउनुभयो । इन्जिनियर राजन न्यौपानेले सडक पिच ४० एम एम हुने जानकारी दिनुभयो । नगर प्रमुख ब्यान्जुले पुर्बाधार बिकास , कृषि , पर्यटन , शिक्षा, स्वास्थ्य र खानेपानीको दिगो बिकास लक्ष्य प्राप्तिको लागि कार्य गरिएको बताउनुभयो ।
यस वडामा धार्मिक प्रतिष्ठान, आणविक अनुसन्धान केन्द्र र फिल्मी सिटी निर्माण कार्यको लागि योजना अघि बढेको नगर प्रमुख ब्यान्जुले उल्लेख गर्नुभयो ।
