बनेपा – जिल्ला सहकारी संघ काभ्रेले सहकारीहरुलाई सहयोग गरेको छ । बाढि पहिरोले असर परेका काभ्रे जिल्लाका सहकारीहरुलाई विभिन्न सामाग्रीहरु सहयोग गरेको हो ।
जिल्ला सहकारी संघ लिमिटेड काभ्रेपलाञ्चोकले असोज ११ र १२ गते परेको भिषण बर्षाका कारण निम्त्याएको बाढी, पहिरो, डुवान र सडक अवरुद्धबाट क्षतीग्रस्ट सहकारी संस्थाहरुको सहयोगार्थ स्थापित विपद् व्यवस्थापन कोषबाट माघ ३० गते संघको कार्यालयमा बेथानचोक नारी चेतना बचत तथा ऋण सहकारी संस्था लि.बेथानचोक काभ्रेलाई राहत सहयोग स्वरुप ५० हजार बरावरको स्क्यानर ४ थान र खुल्ला नगद गन्ने मेशिन १ थान संघका सचिव प्रकाश बञ्जार बाट उक्त संस्थाका कोषाध्यक्षलाई हस्तान्तरण गरि सहयोग गरिएको छ ।
उक्त हस्तान्तरण कार्यक्रममा संघका प्रमुख कार्यकारी अधिकृत अनिल कुमार श्रेष्ठ र वेथानचोक नारी चेतना साकोसका ब्यवस्थापक विरेन्द्र श्रेष्ठको उपस्थिती थियो । यस अघि पनि नर्के दुग्द्य उत्त्पादक सककारी संस्था लि. रोशी काभ्रेलाई सि.सि.क्यामरा र प्यारो बचत तथा ऋण सहकारी संस्था लि. रोशी काभ्रेलाई कम्प्युटर १ थान राहत सहयोग प्रदान गरिएको थियो ।
