मनकामना बचत तथा ऋण सहकारी संस्था लि. बनेपा–५, काभ्रेको महिला उपसमितिको आयोजनामा फागुन ३ गते शनिवारका दिन महिला नेतृत्व विकास तथा क्षमता अभिबृद्धि कार्यक्रम सम्पन्न भएको छ ।
उदघाटन कार्यक्रमको सभापतित्व महिला उपसमिति संयोजक सुधा काफ्ले दाहालको सभापतित्व र बनेपा नगरपालिकाका उप प्रमुख विमला सापकोटा दाहालको प्रमुख आतिथ्यतामा सम्पन्न भएको हो । कार्यक्रममा संस्थाका अध्यक्ष गोपाल प्रसाद घिमिरे, सल्लाहकार बालकृष्ण दाहाल र राजकुमार हुमागाईँ, उपाध्यक्ष विदुर प्रसाद घिमिरे, सचिव नवराज आचार्य, प्रमुख कार्यकारी अधिकृत राजकुमार दाहाल लगायतको उपस्थितिमा कार्यक्रम सञ्चालन भएको थियो ।
संस्थाको समग्र पक्षका बारेमा प्रमुख कार्यकारी अधिकृत राजकुमार दाहालले प्रकाश पार्नुभएको थियो । महिला नेतृत्व र क्षमता विकासको आवश्यकता विषयमा प्रशिक्षक नम्रता थापाज्यूले कक्षा सञ्चालन गर्नुभएको थियो । त्यसै गरी महिला स्वास्थ्य र सुरक्षाको आवश्यकता भन्ने विषयमा स्वास्थ्य कर्मी सुविना कारन्जित र सविता देउलाले प्रकाश पार्नुभएको थियो ।
त्यसैगरी बनेपा नगरपालिकाले सञ्चालन गरेका क्षमता अभिबृद्धि र उद्यमसिलता विकासका कार्यक्रमका सम्बन्धमा बनेपा नगरपालिकाका महिला शाखाका प्रतिनिधि सपना वलीले प्रस्ट पार्नुभएको थियो । कार्यक्रममा ७३ जना महिला शेयर सदस्य उपस्थित रहनुभएको थियो र सहभागि सवैलाई प्रमाण पत्र प्रदान गरिएको थियो ।
विहान देखि बेलुका सम्मको कार्यक्रम सञ्चालन अन्जु लामिछानेले सञ्चालन गर्नु भएको थियो
