काभ्रे माध्यमिक विद्यालयले शैक्षिक प्रदर्शनी कार्यक्रम सम्पन्न गरेको छ ।आज विद्यालयको प्राङ्गढमा भएको प्रर्दशनीमा स्मार्ट सिटी, विज्ञान, गणित, सामाजिक, कला संस्कृती झल्कने ८० वटा स्टलहरु राखिएका थिए। विद्यालयले हरेक वर्ष विद्यार्थीहरुले पढेका कुरालाई ज्ञान र ब्यबहारमा उतारी सिकाईलाई प्रविधि मैत्री बनाइरहेको छ ।
कक्षा १ देखि १० सम्म अध्ययन गर्ने बालबालिकाहरुले सिकाईलाई ब्यवहारमा तथा प्रयोगात्मक तरिकाले देखाउने उदेश्यले शैक्षिक प्रर्दशनीको आयोजना गरिएको प्रिन्सिपल कुमार मानन्धरले बताए। प्रिन्सिपल मानन्धरले विद्यार्थीहरुलाई ज्ञान, सीप र संस्कार आजको आवश्यकता रहेको बताए ।
शैक्षिक प्रर्दशनीको उद्घाटन विद्यालय ब्यबस्थापन समितिका अध्यक्ष जगन्नाथ अवाले गरेका थिए । अवाले समय सापेक्ष डिजिटल शिक्षामा अघि बढेर युग सुहाउँदो शिक्षा आर्जन गर्न विद्यार्थीहरुलाई आग्रह गरेका छन् ।
विद्यार्थीहरुलाई सादगी, सदाचारी बन्न अग्रह गर्दे अहिलेको शिक्षालाई संसारभर प्रतिस्पर्धा गर्न सक्ने खालको बनाउनु पर्ने अवाले बताए । अहिलेको टेक्नोलोजिले विश्वभरलाई सानो बनाएको भन्दै उनले संसारका गतिबिधि एकै छिनमा सबैले हेर्न र जान्न सक्ने बताए ।
प्रर्दशनीमा विद्यालय सञ्चालक समितिका सदस्यहरु, सहायक प्रन्सिपल केशब श्रेष्ठ, शिक्षकहरु, अभिभावकहरु, विद्यार्थी लगाएत १ हजार भन्दा बढीले अबलोकन गरेका थिए ।
काभ्रे माध्यमिक विद्यालयमा शैक्षिक सत्र २०८१ मा नर्सरी देखी कक्षा १२ सम्म १ हजार भन्दा बढी विद्यार्थीहरुले अध्ययन गरिरहेका सहायक प्रिन्सिपल केशब श्रेष्ठले बताए ।
२०६१ सालको एस एल सी परिक्षमा बोर्ड प्रथम, बोर्ड द्धियतिय, जिल्ला प्रथम हुदै आएको विद्यालयमा गुणस्तरीय र ब्यबहारिक शिक्षा प्रदान हुदै आएको छ ।
