काठमाडौं । गीतकार, साहित्यकार तथा चलचित्र निर्मात्री अनु शाहको चलचित्र ‘उफ यो मन’ मार्च १६, २०२५ मा अमेरिकाको बोस्टन शहरको एपल सिनेमा फ्रेशपण्डमा क्याम्ब्रिजमा साँझ ६:०० बजे प्रदर्शन हुँदैछ ।
दार्जीलिङमा छायांकन गरिएको ‘उफ यो मन’ त्रिकोणात्मक प्रेम कथामा आधारित चलचित्र हो। फिल्ममा नेपाल बाहिर बस्ने नेपालीहरुको माया प्रेमको कथा समेटिएको छ। चलचित्रलाई पहिलो पटक अमेरिकाबाट प्रदर्शन सुरु गरिएको निर्माता शाहले जानकारी गराउनुभयो । ‘हामी यो चलचित्रलाई अमेरिकाबाट प्रदर्शन सुरु गर्नेछौ त्यसपछि नेपाललगायत विश्वभर प्रदर्शन गर्ने तयारी गरेका छौँ,’ अनुले भन्नुभयो । बोस्टन पछि अमेरिकाको विभिन्न शहरमा चलचित्र प्रदर्शनको तयारीमा रहेको छ।
अनुराधा फिल्मस् इन्टरनेशनलको निर्माण रहेको यो चलचित्रलाई सुरज चन्दले निर्देशन गर्नुभएको हो । चलचित्रमा नायक एसराज गराच, नायक रोहित रुम्बा, यमी दाहाल, समित गिरी, दीपक क्षेत्री, पुकार गुरुङलगायतका कलाकारको अभिनय छ ।
