बनेपा – जिल्ला सहकारी संघ काभ्रेको आयोजनामा Dealing with member & behaviour सम्बन्धि आधारभुत तालिमको जिल्ला सहकारी संघ काभ्रेको अध्यक्ष अमन पोटेले पानसमा बत्ति बालेर कार्यक्रममा उद्घाटन गर्नु भएको छ।
सहकारीले कर्मचारीहरुमा व्यवस्थापकीय दक्षता अभिवृद्धि गर्न, सहकारीमा सुशासन कायम गर्नुका साथै कार्य क्षमता अभिवृद्धि गर्ने उद्देश्यले तालिमको आयोजना गरिएको र संस्थाले आगामी दिनहरुमा संस्थामा आवद्ध सहकारीका कर्मचारीहरुको क्षमता विकास र प्रर्वद्धनका लागि यस्ता विभिन्न खाले तालिमहरु आयोजना गर्दै जाने अध्यक्ष अमन पोटेले बताए ।
जिल्ला सहकारी संघको सभा हलमा जिल्ला भरी रहेका ३६ सहकारी बाट सहकारीका कर्मचारीहरुको सहभागिता रहेको थियो ।
Dealing with member & behaviour सम्बन्धि आधारभुत तालिम अन्तर्राष्ट्रिय प्रशिक्षक तथा उत्प्रेरक राजु सरकारले प्रशिक्षण गराउनु भएको छ ।
सहकारीका सदस्यहरु लाई कस्तो व्यवहार गर्ने, उनीहरुलाई सहकारी सम्बन्धि शिक्षा कसरी प्रदान गर्ने, सहकारीमा सदस्य कसरी बढाउने लगायत विभिन्न विषयमा तालिम प्रदान गरिने जिल्ला सहकारी संघ काभ्रे प्रमुख कार्यकारी अधिकृत अनिल कुमार श्रेष्ठले बताए ।
तालिमले व्यक्तिको ज्ञान, सीप र धारणामा परिवर्तन गराउन सक्नु पर्दछ । ज्ञानको लागि विभिन्न पुस्तकहरु अध्ययन गर्ने वा औपचारिक शिक्षा प्राप्त गर्न सकिन्छ । सीप भनेको प्राविधिक विषय हो र यसको लागि प्रविधिमा आधारित अभ्यास गर्न सकिन्छ । तर जबसम्म धारणामा परिवर्तन आउँदैन तबसम्म ज्ञान र सीपले मात्र व्यक्तिलाई परिवर्तन गराउन सक्दैन । सहकारीको औपचारिक शिक्षा विना सहकारी व्यवसाय सफल बनाउन नसकिने भएकोले अन्तर्राष्ट्रिय सहकारी महासंघले सहकारी शिक्षा, तालिम र सूचनालाई सहकारीको पाँचौं सिद्धान्तमा समावेश गरेको छ ।
कार्यक्रममा जिल्ला सहकारी संघ काभ्रेको उपाध्यक्ष एवम् शिक्षा तथा तालिम व्यवस्थापन उपसमिति संयोजक शान्ति लामा तामाङ, महिला उपाध्यक्ष मिरा शर्मा, कोषाध्यक्ष अर्जुन सापकोटा लगायत जिल्ला सहकारी संघका कर्मचारीहरुको उपस्थिति रहेको थियो ।
