काभ्रेपलान्चोक -जिल्ला सहकारी संघ काभ्रेले सहकारी संस्थाहरु सँग व्यवसाय प्रवर्द्धन सम्बन्धि एक दिने अन्तरक्रिया कार्यक्रम सम्पन्न भएको छ । जिल्ला सहकारी संघ लि.काभ्रेको पनौती सेवा केन्द्रको आयोजनामा फाल्गुन २० गते मंगलवारका दिन सेवाकेन्द्रको सभाहलमा पनौती सेवाकेन्द्र व्यवस्थापन उपसमितिका संयोजक रोशन कुमार श्रेष्ठको सभापतित्व र संघका अध्यक्ष अमन पोटे श्रेष्ठको प्रमुख आतिथ्यतामा सम्पन्न भयो ।
उक्त कार्यक्रममा संघका सचिव प्रकाश बञ्जार, कोषाध्यक्ष अर्जुन प्रसाद सापकोटा, सञ्चालक सदस्यहरु सुदर्शन अधिकारी, मोहन कुमार श्रेष्ठ , पुर्णसागर रञ्जित , प्रमुख कार्यकारी अधिकृत अनिल कुमार श्रेष्ठ तथा संघका कर्मचारीहरु र संघमा आवद्ध भएका पनौती नगरपालिका, खानिखोला गाँउपालकिा, बेथानचोक गाँउपालकिामा सञ्चालित प्रारम्भिक संस्थाहरुबाट २७ जना प्रतिनिधिहरुको उपस्थिति रहेको थियो ।
कार्यक्रममा संघका प्रमुख कार्यकारी अधिकृत अनिल कुमार श्रेष्ठले संघको विषयमा जानकारी सहित संघले गर्ने र गरिएका गतिविधिहरु प्रस्तुत गर्नुभएको थियो । यस कार्यक्रममा उपस्थित सहभागीहरुबाट संघले प्रदान गर्ने सेवा सुविधा, हालै आएको अध्यादेश र राष्ट बैंकबाट जारी मापदण्ड, प्रविधिमा आधिरित भएर सेवा प्रदान गर्नु पर्ने विषयमा जिज्ञासा ,सुझावहरुमा छलफलहरु भएको थियो। यस जिज्ञासा, सुझावहरुका विषयमा संघका अध्यक्षले जवाफ दिँदै संघलाई सरल र सहज रुपमा छिटो छरितो रुपमा प्रविधिमा आधारित भएर सेवा प्रदान गर्ने लगाएत आवश्यक सुझावहरु संवाधन गर्न आवश्यक कार्य गर्दै जाने जानकारी दिनु भयो ।
