काभ्रे । काभ्रेपलाञ्चोक जिल्ला मण्डनदेउपुर नगरपालिका र जापानको फुजिनोमिया नगरपालिकाको भगिनी सम्बन्ध स्थापना भएको छ ।
फुजिनोमिया नगरका मेयर हितेतादा सुदो तथा नगर प्रमुख टोक बहादुर वाईवाको उपस्थितिमा दुवै नगरबीच भगिनी सम्बन्ध स्थापना भएको सम्झौता पत्रमा हस्ताक्षर गरेका छन् ।
कार्यक्रममा भगिनी सम्झौताले मण्डनदेउपुर र फुजिनोमिया नगरबीच धार्मिक, सांस्कृतिक तथा पर्यटकीय साझेदारीलाई सशक्त बनाउने जापानका मेयर हितेतादा सुदोले बताए । मेयर सुदोले नेपाल विशेषगरी काभ्रेपलाञ्चोकको सांस्कृतिक सम्पदाप्रति विशेष चासो भएकोले यो भगिनी सम्बन्धले दुई नगरबीच आपसी सम्बन्धलाई अझ प्रगाढ बन्ने मेयरले सुदोले विश्वास व्यक्त गरे ।
मण्डनदेउपुर नगरपालिकाका नगर प्रमुख टोक बहादुर वाईवाले भगिनी सम्बन्धले मण्डनदेउपुरलाई अन्तर्राष्ट्रिय तहमा चिनाउने अवसर मिलेको बताए । यस भगिनी सम्बन्धले नेपाल–जापान सम्बन्धलाई थप मजबुत बनाउँदै धार्मिक पर्यटन प्रवर्द्धनमा योगदान पुग्ने विश्वास व्यक्त गरे ।
कार्यक्रममा मण्डनदेउपुर नगरपालिकाका प्रमुख टोक बहादुर वाईबाको अध्यक्षतामा भएको कार्यक्रममा जापानको हितोतादा सुदो नेतृत्वको टिमलाई पालिकाका नगर उपप्रमुख विष्णुमणी नेपालले स्वागत गरेका थिए ।
