बनेपा – जिल्ला सहकारी संघ काभ्रेले ६८ औं राष्ट्रिय सहकारी दिवसको अवसरमा विभिन्न कार्यक्रमहरु सार्वजनिक गरेको छ । संघले दिवसको अवसरमा सहकारीहरु बिच मैत्रिपूर्ण फुटसल, वृक्षारोपण र रक्तदान कार्यक्रम गर्ने भएको हो ।

संघले चैत १९ गते मंगलबार फुटसल प्रतियोगिता तथा चैत २० गते बृक्षा रोपण र खुल्ला रक्तदान कार्यक्रम गर्ने संघका प्रमुख कार्यकारी अधिकृत अनिलकुमार श्रेष्ठले काभ्रे प्रेसलाई जानकारी दिएका छन् ।

फुटसल प्रतियोगिता प्लेयर्स फुटसल नालामा बिहान ८ बजेदेखि हुनेछ भने फुटसलको पुरस्कार वितरण चैत २० गते बृक्षारोपण कार्यक्रम सम्पन्न भएपछि गरिने जनाइएको छ । फुटसलमा भाग लिन टिम दर्ताका लागि सहकारी संघ संस्थाले चैत १५ गतेसम्म नाम दर्ता गरिसक्नुपर्ने जनाइएको छ ।

तपाईको प्रतिक्रिया

चार वटा प्रधानमन्त्री बनेपछि धुलिखेलदेखि खावासम्मको चार किलोमिटर बाटो नबनेको भन्दै असन्तुष्टि gokul