बनेपा, नेपालीहरुको दोस्रो ठूलो पर्वको रुपमा रहेको तिहार नजिकिदै गर्दा बजारमा फूलको चहलपहल र व्यापार बढ्दै गएको छ ।
फूलको अहिले व्यवसायीक रुपमै खेति हुन थालिसकेको छ । धेरै मानिसहरुको रोजगारीको बाटो बनेको छ पुष्पव्यवसाय । काभ्रेकी तारा शर्मा यसपालिको तिहारमा ७० हजार जतिको फूल बेच्ने लक्ष्य राखेको बताउछिन । बदलिदो संस्कृति सँगै कृतिम फुलहरु पनि बजारमा प्रस्शतै देख्न सकिन्छ । तर पनि प्राकृतिक फुलको महत्व जति छ कृतिम फुलले त्यो ठाउँ लिन सक्दैन । धुलिखेलका एक व्यापारी भन्छन् ः– तिहारमा झिलीमीली बत्ति, लगाएतका अन्य कुराको माग जति छ त्यो भन्दा बढी फूल र फूलका मालाको माग बढ्दो छ । अघिपछि दश देखि पच्चिस रुपैंयामा पाइने मखमली फूलको एउटा मालाको अहिले एक सय देखि दुईसम्ममा बिक्री हुने व्यवसायीहरु बताउँछन् ।
तिहारमा भाइ पूजालाई मात्र नभई अन्य पूजामा समेत फूलको प्रयोग बढि हुनेहुँदा यसको माग, महत्व र मुल्य पनि बढ्दै गएको छ । गाउँघरतिर आफ्नो लागि आफै फूल रोप्ने चलन भए पनि शहरी क्षेत्रमा भने किनेरै फूलले घरलाई झिलिमिली पार्ने गर्दछन् । सँगै पछिल्लो समय विभिन्न कार्यक्रम हुँदा खादाको सट्टा फूलको मालाको प्रयोग पनि बढिरहेको छ । जसका कारण सहर बजार नजिकका गाउँहरुमा व्यवसायीक रुपमै फूल खेति गर्ने चलन बढ्दो छ ।
सिजन बाहेक पनि मालाको प्रयोग बढ्न थालेपछि पुष्प व्यवसाय गर्नेहरुको लागि यो पेशा लाभदायक बन्दै गएको छ । पर्व मनाउनकै लागि होस् या विभिन्न कार्यक्रममा सजावटको लागि होस दिनानु दिन फूलको माग बढ्दो छ । फूलको व्यवसायीक खेतिले रोजगारीसँगै आत्मनिर्भरतालाई पनि बढाएको व्यवसायीहरु बताउँछन् । –नव क्षितिज साप्ताहिकबाट
