काठमाडौं – समाजसेवी लायन ज्योति घिमिरेले आफ्नो स्वर्गीय आमा सरिता घिमिरेको पुण्य तिथिको अवसरमा तथा दिपावलीको अवसर राजधानीको रविभवन स्थित आमा घरमा आश्रित आमाहरुलाइ खाजा खुवाउने तथा न्यानो कपडा वितरण गर्ने कार्य सम्पन्न गरेकी छिन। लायन ज्योति घिमिरे आबद्ध रहेको लायन्स क्लब अफ काठमाडौं अभियानको संयोजकत्वमा सम्पन्न भएको कार्यक्रममा जोन चियरपर्सन बरिष्ठ सौन्दर्यबिद लायन सोनी कारंजित लगायत अन्य लायन सदस्य र समाजसेवीको उपस्थिति रहेको थियो।
मानिसहरु फरक फरक सोच र स्वभावका हुन्छन् तर समाजका विभिन्न आवश्यकताहरुलाई मध्यनजर गरी त्यस्ता समस्या समाधन गर्ने मानिसहरु विरलै पाइन्छ। यस्तै उदाहरणीय एवं दयनीय करुणाकी पात्र ज्योति घिमिरे समाजमा अलपत्र परेका एवं विपन्न आर्थिक कमजोर समस्याबाट ओझेलमा परेकाहरुको सहयोग एवं उपचार लगायत उद्धारका क्रियाकलापहरुसहयोग गर्दै आएकी छन् । मानिसमा धर्म, कर्म, मर्म यी तीन गुणयुक्त मानिस समाजका कर्मठ व्यक्तित्वमा चिनिन्छ । यस्तै पवित्र दया माया करुणाको भाव बोकेका ज्योतिले सामाजिक कार्यमा उदाहरणीय भूमिका निर्बाह गर्दै आएकी छिन।
लामो समय देखि सामाजिक कार्यमा सक्रिय ज्योति घिमिरेले अनाथ, असाहय, बृद बृदा, दुखि पिडित तथा एकल महिला दिदीबहिनीहरुलाई सहयोग गर्दै आएकी छिन। विभिन्न आश्रममा आश्रित देखि सडक पेटीमा बसोबास गर्दै आएका अनाथ सम्मलाइ सहयोग गर्ने समाजसेवी घिमिरेले सेवामा आफुलाई समर्पित गर्दै आएकी छिन। ज्योतिले समाजसेवाको माध्यम बाट विभिन्न राष्ट्रिय सम्मान समेत पाउन सफल भएकी एक सुपरिचित नाम हो, महिला ससक्तिकरण, स्वरोजगार, आत्माविश्वासलाइ ससक्त रुपमा अगाडि बढाउदै आएकी उनि एक निडर तथा सामाजिक अभियन्ताको रुपमा परिचित छिन ।
