धुलिखेल, चर्चित लाेक दाेहाेरी गायक बिक्रमजंग शाहले खाेला खाल्सीकाे सफलता पछि माइला बजारमा ल्याएका छन् । चलचित्र निर्माता समेत रहेका कलाकार, लाेक दाेहाेरी गायक बिक्रमजंग शाहले अाफ्नाे नविनतम काेसेली ‘माईला’ सार्वजनिक गरेका छन् । बिक्रमजंग शाहकाे सुमधुर स्वर रहेको माईलामा शाहलाई गायिका अस्मिता अधिकारीको स्वरमा साथ दिएकी छिन् । शाहको शब्द, संगित रहेको माइलामा रामकुमार नेपालीको संगित एरेञ्ज रहेको छ । भिडियो समेत तयार माइलामा नेपाली चलचित्रका नायक दिलिप रायमाझी, निक्स शर्मा, सोनी लगुन, दावा फिन्जो तामाङ, आस्मान तामाङ, आशिका खाती, कुमार श्रेष्ठ, श्याममाया तमाङको अभिनय रहेको छ । भिडियोलाई शिव बिकले निर्देशन गरेेका छन् ।
शाह अाफ्नाे पछिल्लो प्रस्तुति उत्कृष्ट बनेको बताउँछन् । निकै मिहेनत गरेर दर्शकको लागि एउटा राम्रो कोशेली पस्किएकाे बताउने शाह माइलाबाट निकै अाशावादी छन् । उनी भन्छन्, “आशा छ गीतले न्याय पाउँनेछ ।” समय सापेक्ष गीत बनाउने शाहका खोला खाल्सी, टिलपिल टिलपिल तारा लगायतका थुप्रै गीत चर्चाको शिखरमा पुगेका छन् ।
माइला समग्रमा उत्कृष्ट बनेकोले सार्वजनिक भएको छाेटाेे समयमै माइलाको चर्चा चल्न थालेको छ । गीतको भिडियोलाई भारती पिक्चर्सको युट्युब च्यानलबाट सार्वजनिक गरिएको छ । https://m.youtube.com/watch?v=PR0JVTbbfcw&feature=youtu.be
