बनेपा, फाल्गुण १८ गते । काभ्रेपलाञ्चोक जिल्लाको बनेपा नगरपालिकामा `चौथौ मेयर कप अन्तर वडा स्तरीय फुटबल प्रतियोगिता-२०८० ’ सुरु भएको छ ।
आजबाट शुरु भएको प्रतियोगिताको उदघाटन नगरप्रमुख शान्ति रत्न शाक्यले गर्नुभएको हो । उदघाटन समारोहमा नगर प्रमुख शान्ति रत्न शाक्य, उपप्रमुख बिमला सापकोटा दाहाल, प्रमुख प्रशासकीय अधिकृत भोला प्रसाद चापागाईं,वडा नं ६ का वडा अध्यक्ष सचितानन्द केसी लगायतले नगर क्षेत्रमा क्रियाशील खेलाडीहरूको क्षमता र खेल क्षेत्रको विकासका साथै खेलको माध्यमबाट नगरबासीहरुलाई देशभर चिनाउनका लागि खेलकुद प्रतियोगिताहरु गर्दै आएको बताउनुभयो।
बनेपा नगरपालिकाको आयोजना तथा वडा नम्बर ८ को संयोजनमा शुक्रवारदेखि सुरु भएको मेयर कप प्रतियोगितामा १४ टिमको सहभागिता रहेको छ । फुटबल प्रतियोगिता अन्तर्गत पहिलो खेलमा वडा नम्बर ८ ले वडा नम्बर ६ लाई २-१ ले हराएको छ ।
प्रतियोगिताको विजेता टिमलाई १ लाख नगद र उपविजेता टिमलाई ५० हजार नगद पुरस्कारसहित शील्ड ,प्रमाणपत्र तथा मेडल प्रदान गरिने वडा अध्यक्ष एवम् मुल आयोजक समितिकी संयोजक शुभ लक्ष्मी मानन्धरले जानकारी दिनु भयो । प्रतियोगिता फाल्गुण २६ गते सम्म चल्नेछ ।
