काठमाडौं, ११ भदौ – हाँस्य कलाकार जोडी सिताराम कट्टेल (धुर्मुस) र कुञ्जना घिमिरेले (सुन्तली) निर्माण गरेको चलचित्र ‘म त मर्छु कि क्या हो’ आज सार्वजनिक गरिएको छ ।धुर्मुस र सुन्तलीको निर्देशनमा तयार भएको यो चलचित्र ओहो मुभिज एपबाट रिलिज भएको हो ।चलचित्रमा सिताराम, कुञ्जनाको साथमा रवि गिरी, वुद्दि तामाङ, बिजय बराल, पल्पसा डंगोल, बादलिप राई, सुमन कार्की, सुमन कोइराला लगायतका कलाकारको अभिनय छ । चलचित्रलाई पूर्ण रुपमा कमेडी कथामा निर्माण गरिएको छ । चलचित्रको छायांकन चितवनका विभिन्न स्थानमा गरिएको हो ।