काभ्रेपलान्चोक – नेपाल कम्युनिष्ट पार्टी एमाले भुम्लु गाउँपालिका वडा नं. ९ मा वडा अधिबेशनको साथै डिजिटल पार्टी सदस्यता कार्ड बितरण गरिएको छ। एमाले काभ्रेको जिल्ला पार्टी सचीव तथा कार्यक्रमको प्रमुख अतिथि राजकुमार सापकोटाले डिजिटल पार्टी सदस्यता कार्ड वितरण गर्नु भएको हो ।
देश व्यापी रुपमा नेकपा एमालेको डिजिटल सदस्यता कार्ड वितरण गर्ने अभियान रहेको छ । जिल्लामा पनि सबै पालिकाको डिजिटल सदस्यता कार्ड वितरण गर्ने अभियानमा आज भुम्लु बाट सुरुवात गरिएको छ । क्रमस जिल्लाको १३ वटै पालिकामा नेकपा एमाले सदस्यरहेका हरुलाई डिजिटल सदस्यता कार्ड वितरण गरिदै छ ।
भुम्लु गाउँपालिका वडा नं. ९ का पार्टी सदस्यहरु लाई डिजिटल वितरण गरिएको हो । साथै भुम्लु ९ को वडा अधिबेशन समेत सम्पन्न भएको छ । नेकपा एमाले जिल्ला कमिटी सदस्य टिकाराम लामा, युवा संघ सचिवलय सदस्य राजेन्द्र लामा , आदिबासि जनजाति महासंघ बाग्मति प्रदेश कमिटि सचिब कान्छाराम लामा लगायतको उपस्थितिमा डिजिटल सदस्य कार्ड वितरण र वडा अधिबेशन सम्पन्न भएको हो।
भुम्लु ९ को वडा अधिबेशन सहित डिजिटल सदस्य कार्ड १११ जना लाई वितरण गरिएको छ । वडा अधिबेशन बाट अध्यक्षमा जीवन कुमार लामा सहित ११ सदस्यीय टोलि निर्विरोध निर्वाचित भएका छन् ।
भुम्लु पालिका कमिटीको दोश्रो अधिबेशन पौष २० गते सल्लेमा हुने छ । एमाले भुम्लु गाउँपालिका कमिटीले अधिबेशन सफल पार्न सम्पुर्ण भुम्लु बासीलाई अनुरोध गरिएको छ।
