भक्तपुर/इप्सन भक्तपुरले हाजिरी जवाफ प्रतियोगिता सम्पन्न गरेको छ ।
इप्सनले आफ्ना सदस्य बिद्यालयहरु बिच कक्षा ६ र ७ का बिद्यार्थीहरुलाई समाबिष्ट गरेर हाजिरीजवाफ प्रतियोगिता सम्पन्न गरेको हाे ।
सुर्यविनायक स्थित सुर्यविनायक रिसोर्टमा सम्पन्न कार्यक्रममा सुर्यविनायक न.पा. वडा न. ५ का वडा अध्यक्ष राजकुमार जोशी तथा ईप्सन अध्यक्ष जी.वी. खड्काले विजेता बिद्यालयका बिद्यार्थीहरुलाई पुरस्कृत गरेका थिए।
प्रतियोगितामा सुर्योदय सेकेण्डरी स्कुलले प्रथम स्थान हासिल गरेको थियो भने ईडेन गार्डेन ईङ्गलिस स्कुलले दोस्रो, ग्लोबल एकेडेमीले तेस्रो स्थान र बिमल मेमोरियल बिद्यापिठले सान्त्वना पुरस्कार प्राप्त गरेका थिए ।
इप्सनका सदस्य बिद्यालय युनिटी ईङ्गलिस स्कुलको ब्यानरमा आयोजित कार्यक्रम ईप्सन भक्तपुरको यस बर्षको दाेस्राे अन्तिम कार्यक्रम हो । यस अगाडी फुटसल प्रतियोगिता सम्पन्न भएको थियो भने फागुनमा सम्पन्न हुने लोक नृत्य प्रतियोगिता यस बर्षको अन्तिम कार्यक्रम हुने इप्सनका अध्यक्ष जिबि खड्काले जानकारी दिए ।
