कार्यक्रमलाई सम्बोधन गर्दै नेकपा एमाले काभ्रेका अध्यक्ष राजन भुर्तेलले लोकतन्त्रको कुनै विकल्प नरहेको बताउँदै पछिल्लो तीन दशकमा देशले महत्वपूर्ण परिवर्तनको अनुभव गरिरहेको उल्लेख गरे। उनले पार्टीको मार्गदर्शनअनुसार गणतन्त्रको सुदृढीकरणका लागि हरेक नागरिकको घरदैलोमा पुगेर जनचेतना फैलाउने प्रतिबद्धता व्यक्त गरे।
नगर कमिटीका अध्यक्ष गणेश लामाले कार्यक्रमको अध्यक्षता गर्दै जनताको सहभागिता लोकतन्त्रको मेरुदण्ड भएको उल्लेख गरे। उनले पार्टीको सर्कुलरअनुसार कार्यान्वयन गर्दै जनताबीच अझ व्यापक रूपमा गणतन्त्रको सन्देश फैलाउनुपर्ने बताए।
नगर कमिटी सचिव सन्जिव ढकालका अनुसार कार्यक्रममा ११ वटै वडाबाट प्रतिनिधिहरूको सहभागिता रहेको कार्यक्रम कोणसभामा परिणत भएको थियो
कार्यक्रममा पार्टीका नेताहरू, कार्यकर्ताहरू तथा स्थानीय बासिन्दाहरूको उल्लेखनीय उपस्थिति रहेको थियो। नेकपा एमाले काभ्रेले आज जिल्लाभर नै कार्यक्रमहरुको आयोजना गरेको छ ।
