बनेपा – काभ्रेपलाञ्चोक जिल्लाको बनेपा नगरपालिका वडा नं १४ का आयुष दुलाल विश्वमाझ नेपालमा प्रतिनिधित्व गर्दै मे २०२५ मा फिलिपिन्समा आयोजना हुने म्यान अफ द वल्र्ड २०२५ प्रतियोगितामा विश्वव्यापी मञ्चमा नेपालको प्रतिनिधित्व गर्ने तयारीमा जुटेका छन् ।
तयारीकै सन्र्दभमा बिहीबार बनेपा नगरपालिकाको स्थापना दिवसको अवसर पारेर आयुषलाई नगरले सम्मान गरेको छ । बनेपा नगरपालिकाको ४४ औ स्थापना दिवसको अवसरमा विभिन्न क्षेत्रमा योगदान पु¥याई सम्मान प्राप्त गरेका ब्यक्तिमध्येका एक हुन् दुलाल ।
उपप्रधान मन्त्री प्रकाशनमान सिंहले सम्मानपत्र र दोसल्ला सहित आयुषको सम्मान गर्नुभयो । मिस्टर नेपाल २०२४ प्रतियोगितामा सहभागि भई म्यान अफ द वल्र्ड नेपाल २०२४ एण्ड बेस्ट पर्सनालिटी प्राप्त गरेका मे २०२५ मा फिलिपिन्समा आयोजना हुने म्यान अफ द वल्र्ड २०२५ प्रतियोगितामा विश्वव्यापी मञ्चमा नेपालको प्रतिनिधित्व गर्ने तयारीमा जुटेका छन् ।
आईटी स्नातक र मानसिक स्वास्थ्य प्राथमिक सहयोगी आयुषले मानसिक स्वास्थ्य जागरूकताको वकालत र खेलकुद प्रवद्र्धन गर्ने आफ्नो प्रतिबद्धता व्यक्त गरेर त्यसका लागि केही कार्यक्रम समेत आयोजना गर्ने तयारी गरिरहेका छन् ।
काभ्रेका लोकप्रिय फुटवल खेलाडी समेत रहेका आयुषले अष्ट्रेलियाबाट व्यवसायिक खेल समेत खेलिसकेका छन् । बहुआयामिक पृष्ठभूमी र समर्पणले आयुषले अन्तर्राष्ट्रिय उपाधिको लागि बलियो दावेदार बनाएको छ । सबैभन्दा राम्रो कुरा आयुया नेपाली र अंग्रेजी भाषामा आफ्नो सहजै प्रर्दशन गर्न सक्छन् ।
नेक्स्ट मोडल्स नेपालद्वारा आयोजित मिस्टर नेपाल प्रतियोगिताले मिस्टर वल्र्ड , मिस्टर ग्लोबल र म्यान अफ द वल्र्ड लगायत विभिन्न अन्तर्राष्ट्रिय प्रतियोगिताहरूका लागि नेपालका प्रतिनिधिहरू छनोट गर्ने प्लेटफर्मको रूपमा काम गर्ने गरेको छ ।
आयुषले आगामी विश्वव्यापी प्रतियोगिताको तयारी गरिरहेको बेला, राष्ट्र उनको पछाडि उभिएको छ । अन्तर्राष्ट्रिय मञ्चमा नेपालको प्रतिभा र सांस्कृतिक समृद्धिलाई उजागर गर्ने उल्लेखनीय प्रदर्शनको आस गरिएको छ ।
