टोरोन्टो, क्यानडा । मिस नेपाल क्यानडाको उपाधी अनु सुबेदी र मिसेस नेपाल क्यानडाको उपाधी मेग्ना गजमेरले जितेकी छिन् । दुवै बिजेतालाई मिसेस नेपाल क्यानडा २०२४ को बिजेता सृस्टि श्रेष्ठले ताज लगाइदिईन ।
त्यस्तै गरी फस्ट रनर अप मिसेस मन्जु बस्नेत, फास्ट रनरअप मिस प्रशंशा भट्ट, सेकेन्ड रनर अप मिसेस प्रतिक्षा कुवंर र सेकेन्ड रनर अप मिस स्वर्णपरी श्रेष्ठले पाईन ।
त्यस्तै अन्य बिधाहरुमा क्याटवक – अनु सुबेदी, फोटोजेनिक प्रतिक्षा कुवंर, विस्डम सरिता पन्त, पिपुल्स च्वइस अवार्ड पुष्पन्जली आचार्य, एलेकुअन्त मन्जु बस्नेत, कन्फिडेन्स स्वर्णपरी श्रेष्ठ, वेष्ट ड्रेस प्रसंशा भट्ट, काइन्डनेस मेग्ना गजमेर, सोसियल इम्प्याक्ट अनु सुबेदी र इन्स्पिरेशन बिधामा पुष्पन्जली आचार्यले अवार्ड पाईन ।
क्यानडाको ब्राम्टोन स्थित स्प्रेन्जा पार्टी हलमा सम्पन्न भएको यो कार्यक्रममा १० प्रतीयोगीले सहभागीता जनाएका थिए। यो पटक वन्टारियो सहित अन्य प्रोविन्सबाट पनि प्रतियोगिले सहभागीता जनाएका थिए ।
नेपलिज क्यानेडियन पाजेन्ट इन्कले आयोजना गरेको कार्यक्रम नेपाली समुदायका प्रतीनिधी, ब्याबसायीहरु, साउथ एसियन क्यनेडिएन फेसन एन्ड इन्टरटेनमेन्ट फिल्डका प्रतिनिधीहरु लगायको उपस्थिती थियो ।
प्रवासमा बसोबास गर्ने नेपाली महिलाहरुको शसक्तीकरण, आत्मविश्वास र नेत्रित्वबिकासमा सहजता होस् भनेर यस्तो किसिमको प्रतियोगिता आयोजना गरिएको आयोजक संस्था नेपलिज क्यानेडियन पाजेन्ट इन्कका डाईरेक्टर चन्दा श्रेष्ठले बताइन् ।
