काभ्रेपलान्चोक – ईलाका प्रहरी कार्यालय मंगलाटारले अवैध रुपमा भन्सार छली गरि ओसारपसार गरिएको सामाग्री बरामद गरेको छ । पछिल्लो समय मंगलाटार प्रहरीले आफ्नो गतिविधि सक्रिय रूपमा बढाएको छ ।

ईलाका प्रहरी कार्यालय मंगलाटारको प्रमुख प्रहरी निरीक्षक पञ्च लाल गोलेको कमाण्ड खटेको प्रहरी टोलीले सार्वजनिक यात्रुबाहक सवारी साधनहरु चेकजाँच गर्दा अवैध रुपमा भन्सार छली गरि ओसारपसार गरिरहेको अवस्थामा STERLING AGRO INDUSTRIES LTD Pitampura, New Delhi, India बाट उत्पादित NOVA Special Spray Dried Skimmed Milk Powder Standard Grade १०४ बोरा २६०० कि.ग्रा. नेपाली रु. १८,७२,०००/ (अठार लाख बहत्तर हजार रुपैंया मात्रा ) बराबरको पावडर दूध बराबमद गरेको छ । 

उक्त बरामद सामाग्री लाई प्रहरी कार्यालय मंगलाटारले आवश्यक कारबाहीको लागि राजश्व अनुसन्धान विभाग हरिहरभवन ललितपुरमा पठाईएको जानकारी दिएको छ ।